Адриен Рабио майдонга қайтмоқда

Франсиялик ярим ҳимоячи Адриен Рабио 16-октябр куни жароҳат олган эди. Орадан бир ой ўтиб, у жорий ҳафта охирида, \"Милан\" ва \"Интер\" ўртасидаги ўйинда майдонга қайтиши кутилмоқда.

Аммо, унинг асосий таркибда тушиши эҳтимолдан йироқ. Кутилишича, Рабионинг ўйинга қайтиши босқичма-босқич амалга оширилади.

Шу билан бирга, \"Милан\"нинг жароҳат олган бошқа ўйинчилари - Фикайо Томори ва Сантьяго Хименес ҳам \"Интер\"га қарши ўйинга етиб келиши мумкин, лекин бу борада ҳали аниқ маълумот йўқ. Эслатиб ўтамиз, \"Интер\" ва \"Милан\" ўртасидаги баҳс 23-ноябр куни бўлиб ўтади.

Айни пайтда Кристиан Киву бошчилигидаги \"Интер\" турнир жадвалида биринчи ўринда, \"россонери\" эса учинчи ўринда бормоқда.