Интер Рубен Невешни нишонга олди

Саудия Арабистонининг \"Ал-Ҳилол\" клуби ярим ҳимоячиси Рубен Невеш фаолиятини Италия А Сериясида давом эттириши мумкин. Португалиялик футболчининг амалдаги шартномаси 2026-йилнинг ўрталарида якунланади.

Миланнинг \"Интер\" клуби бу вазиятни яқиндан кузатиб бормоқда, дея хабар бермоқда журналист Экрем Конур. Ҳозирча расмий музокаралар ўтказилмаган, аммо ярим ҳимоячи жамоасини ўзгартиришга ва яна Европанинг етакчи чемпионатларида ўз имкониятларини синаб кўришга тайёр.

2023-йилнинг ёзида \"Ал-Ҳилол\" Рубен Невешни Англиянинг \"Вулверҳемптон\" клубидан 55 миллион евро эвазига сотиб олган эди. 28 ёшли Португалия терма жамоаси ўйинчисининг жорий бозор қиймати Трансфермаркт портали маълумотларига кўра, 25 миллион евродан баҳоланмоқда.