Педри Челси билан ўйинга қайтади

Барселонанинг марказий ярим ҳимоячиси Педри жароҳатидан сўнг майдонга қайтишга тайёргарлик кўрмоқда. 22 ёшли футболчи "кўк-анорранглилар"нинг олдинги учта учрашувини ўтказиб юборган, шунингдек, ноябр ойида ЖЧ-2026 саралаш ўйинлари учун Испания миллий жамоасига чақирилмаган эди.

RAC1 хабарига кўра, Педри 22-ноябр куни Атлетик Бильбао билан бўладиган Ла Лига учрашувида иштирок этмайди. Аммо 25-ноябр куни Челси билан бўладиган Чемпионлар Лигаси ўйинида майдонга тушиши кутилмоқда.

Катта эҳтимол билан, у Лондонда заҳирадан майдонга тушади ёки умуман ўйинда иштирок этмайди. Педрининг асосий мақсади 2-декабрда бўладиган Атлетико Мадридга қарши ўйинга тўлиқ тикланиб, оптимал спорт формасини қайтаришдир.