Букаё Сака "Арсенал" билан шартномани узайтиради

\"Арсенал\" клуби футболчиси Букаё Сака Лондонда қолишга қарор қилди. Бу ҳақда журналист Фабриз Хокинс хабар берди.

Манбаларига кўра, томонлар ҳамкорликни 2030-йилгача давом эттириш борасида келишувга эришган. Айтилишича, Сака барча зарур ҳужжатларни \"Арсенал\" ҳимоячиси Уильям Салиба билан янги битим имзолангандан сўнг расмийлаштиради.

Букаё Сака — \"Арсенал\" академияси тарбияланувчиси. Ҳозирги мавсумда 24 ёшли инглиз футболчиси барча мусобақаларни инобатга олган ҳолда 14 учрашувда қатнашиб, 6 та гол уришга муваффақ бўлди. 

Нуфузли Трансфермаркт портали футболчининг трансфер қийматини 140 миллион еврога баҳоламоқда.