Малдини - "Милан" рамзи

Италиянинг "Милан" клуби собиқ футболчиси Массимо Амброзини фикрига кўра, клубнинг бутун дунёдаги рамзи Паоло Малдинидир. "Агар бутун дунё бўйлаб қизил-қора рангли байроқ ҳақида сўз юритилса, унинг юзи, рамзи ва юраги Паоло Малдинидир.

Кимки Паоло ҳақида салбий фикр билдирса, у "Милан" учун нимани англатишини ва "Милан" унинг учун қандай аҳамиятга эга эканини тушунмайди", - дейди Амброзини pianetamilan.it сайтига берган интервьюсида. Эслатиб ўтамиз, Малдини "Милан" сафида 1985-йилдан 2009-йилгача ўйнаган.

Шунидек, у 2023-йил ёзида клубнинг америкалик эгалари томонидан ишдан бўшатилгунига қадар раҳбарлик лавозимида фаолият олиб борган.