Верона кетма-кет 13 ўйинда ғалаба қозона олмади

А Сериянинг энг ёмон натижага эга жамоаси "Верона" кетма-кет 13 та ўйинда ғалаба қозона олмади. 23-ноябр, якшанба куни жамоа ўз майдонида бевосита рақиби "Парма"га 1:2 ҳисобида мағлуб бўлди.

Шу тариқа, "Верона" ўтган мавсумнинг сўнгги туридан бери ғалаба қозона олмаяпти. Ўшанда улар "Эмполи"ни мағлуб этган эди.

Жорий мавсумда "Верона" нафақат А Серияда, балки Италия кубогида ҳам бирорта расмий ўйинда ғалаба қозона олмади. Ўтган мавсум якунларига кўра, "Верона" А Сериядан тушиб кетишдан қочиб, 37 очко жамғариб, турнир жадвалининг 14-ўрнида мавсумни якунлаган эди.