Маттеус: Ковачга вақт беринг

Машҳур футболчи Лотар Маттеус Дортмунднинг "Боруссия" клуби атрофидаги вазият ҳақида фикр билдирди. Бундеслига чемпионати жадвалида тўртинчи ўринда кетаётган клуб сўнгги икки ўйинда дуранг ўйнади.

Жамоа бош мураббийи Нико Ковачга нисбатан саволлар кўпаяётган бир пайтда, Маттеус уни ҳимоя қилиб, мутахассисга кўпроқ вақт беришни сўради. "Ковачга вақт керак, бу унинг биринчи мавсуми.

Шу билан бирга, мен жамоа ўтган мавсумга нисбатан кўпроқ натижаларга эриша олади, деб ишонаман", – деди Маттеус "derbyderbyderby.it" нашрига берган интервьюсида. Эслатиб ўтамиз, "Боруссия" сўнгги марта 2021-йилда Германия Кубогини қўлга киритган эди.