Ширер «Барселона» ҳимоячиларини танқид қилди

Собиқ таниқли инглиз футболчиси Алан Ширер яқинда «Челси»га қарши ўйинда «Барселона» ҳимоясидаги ҳаракатларни қаттиқ танқид қилди. Чемпионлар лигаси 5-тур доирасида ўтказилган учрашувда «кўк-анорранглилар» Лондонда йирик мағлубиятга учради (0:3).

«Мен кўп марта офсайд тузоқларини кузатганман, лекин бу ҳақиқий ақлдан озиш эди. Гўё майдонда тўрт манекен турибди ва улар: \"Болалар, қайси усулда гол уришингизни хоҳлайсиз?\" деб сўраётгандек кўринди», - деди Ширер Amazon Prime эфирида.

Ҳанс-Дитер Флик жамоаси Чемпионлар лигаси турнир жадвалида 15-ўринда бормоқда ва ҳисобида етти очко мавжуд. Кейинги турда «Барселона» «Айнтрахт»га қарши майдонга тушади.