Перишич Чемпионлар Лигасида тарих яратди

Европа футболида Чемпионлар Лигасининг гуруҳ босқичи 5-тур учрашувлари бўлиб ўтди. Нидерландиянинг ПСВ жамоаси кутилмаганда меҳмондаги ўйинда Англиянинг "Ливерпуль" клубини 4:1 ҳисобида мағлубиятга учратди.

Мазкур учрашувда ҳисобни Хорватия терма жамоаси фахрийси Иван Перишич очди. 36 ёш 297 кунлик футболчи 6-дақиқада пенальтидан гол урди.

Шу тариқа у Чемпионлар Лигаси тарихида пенальтидан гол урган энг кекса футболчилар орасида учинчи ўринни эгаллади. Перишичдан кўра ушбу натижада фақатгина икки футболчи юқорироқда туради: испаниялик Серхио Рамос (37 ёш 257 кун) ва яна бир хорватиялик Лука Модрич (37 ёш 54 кун).