Нойер: "Келажакка шошилишни истамайман"

39 ёшли \"Бавария\" дарвозабони Мануэль Нойер яна бир бор клуб билан шартномани узайтириш масаласига тўхталди. \"Бу борада шошилишни хоҳламайман.

Муҳими, ўзимга савол бериш: \"Танам қандай аҳволда? Соғлигим қандай?

Фаолиятни давом эттиришнинг маъноси борми?\" Буни аниқлаш учун бироз вақт керак,\" — деди Нойер Sky Sport Germany нашрига берган интервьюсида. Нойер 2011 йилдан буён \"Бавария\" шарафини ҳимоя қилиб келади.

Жорий мавсумда у барча турнирларни ҳисобга олганда 17 та ўйинда майдонга тушиб, 16 та гол ўтказиб юборди ва 6 та учрашувда дарвозаси дахлсизлигини сақлаб қолди. Дарвозабоннинг \"Бавария\" билан амалдаги шартномаси келаси ёзда якунланади.