Ливерпул ўз майдонида антирекорд ўрнатди

Ливерпул жамоаси яна ўз майдонида ғалаба қозона олмади. Чоршанба куни Арне Слот бошчилигидаги жамоа Сандерленд билан 1:1 ҳисобида дуранг ўйнади.

Маглубиятдан қочиш эса фақат ўйиннинг сўнгида рақибнинг автоғоли эвазига амалга ошди. Opta статистик маълумотларига кўра, қизиллар 2021-йил март ойидан бери илк бор ўз уйида кетма-кет учта ўйинда ғалаба қозона олмаган.

Аммо ўша даврдаги кўрсаткичга етиш учун ҳали анча бор (олти ўйин ғалабасиз). 6-декабр, шанба куни Ливерпул сафарда Лидс жамоасига қарши ўйнайди.

Уч кундан кейин эса Чемпионлар Лигаси доирасида Миланнинг Интер жамоасига қарши Сан-Сиро стадионида беллашади. Навбатдаги ўйин Энфилдда 13-декабр куни ўтказилади, унда рақиб Брайтон бўлади.