Гринвуд учун 100 миллион евро таклиф этилди

Марсель ҳужумчиси Мейсон Гринвуд бошқа жамоага ўтиши мумкин. Media Foot хабарига кўра, Саудия Арабистонидаги бир клуб 24 ёшли футболчи учун 100 миллион евро таклиф қилган.

Марсель мураккаб қарор олдида қолган: Гринвуд жамоа спорт лойиҳаси учун муҳим ўрин тутади, аммо молиявий нуқтаи назардан бу таклиф жуда жозибадор. Шуни таъкидлаш керакки, Манчестер Юнайтед Гринвуднинг молиявий ҳуқуқларининг 50 фоизига эга.

Агар Марсель Гринвудни 100 миллион еврога сотса, бу маблағнинг ярми Манчестер ҳисобига ўтади.