Компани Гарри Кейнни «Бавария»нинг етакчиси деб атади

Мюнхеннинг «Бавария» жамоаси бош мураббийи Венсан Компани жамоанинг инглиз ҳужумчиси Гарри Кейннинг ўйин даражасига юқори баҳо берди. «Кейннинг барқарорлиги мени ҳайратга солади.

У Мюнхенда ўйнашни ёқтиради. Ҳозир у “Бавария”нинг асосий етакчиси.

Унинг Жексон билан муносабатлари яхши. Николас Гарри билан бирга машғулот қилганида янада ўсиб бормоқда», — дея Компанининг сўзларини ESPN келтирди.

Жорий мавсумда Кейн Германия клуби сафида 23 учрашувда майдонга тушиб, 28 та гол урди ва 3 та голли узатмани амалга оширди. У Мюнхен клуби таркибига 2023 йил ёзида қўшилган.