АПЛда мавсумнинг энг тезкор голи бўйича рекорд янгиланди

Англия Премьер-лигасида мавсумнинг энг тезкор голи бўйича рекордлар кетма-кет янгиланмоқда. Ноябр охирида «Манчестер Сити»нинг ҳужумкор ярим ҳимоячиси Фил Фоден «Лидс» дарвозасини 59-сонияда ишғол этиб, ўша пайтда мавсумдаги энг тез гол муаллифига айлангандӣ.

Бироқ орадан кўп ўтмай, шу куни «Ньюкасл» футболчиси Малик Тиав «Эвертон»га қарши учрашувнинг 52-сониясида гол уриб, натижани янгилади. Шанба куни, 13-декабрда навбатдаги рекорд қайд этилди: «Ливерпуль» ҳужумчиси Уго Экитике «Брайтон» дарвозасига 46-сонияда аниқ зарба берди.

Аммо рекорд узоқ турмади: эртаси куни «Вест Ҳем» футболчиси Матеуш Фернандеш «Астон Вилла»га қарши баҳснинг 29-сониясида гол уриб, мавсумдаги энг тезкор гол бўйича янги чўққини белгилади. Ҳар гал бу натижани янгилаш тобора мушкуллашиб бормоқда.