Гасперини нега «Ювентус»ни эмас, «Рома»ни танлаганини айтди

Жан Пьеро Гасперини «Ювентус»нинг қизиқишига қарамай, фаолиятини «Рома»да давом эттиришга нега қарор қилганини изоҳлади. Рим клуби бош мураббийи ёзда туринликлар таклифини қабул қилиш имконияти бўлганини тасдиқлади, бироқ якунда «Рома»ни танлаган.

«Нега уларнинг таклифини қабул қилмадим? Чунки бу ерда чақириқ мураккаброқ.

Ҳаммаси қандай кетаётганидан мамнунман», — дея мутахассиснинг сўзларини TuttoMercatoWeb келтиради. Италия А сериясининг яқин туридаёқ Гасперини жамоасини принципиал учрашув кутмоқда: шанба, 20-декабр куни «Рома» ўз майдонида «Ювентус»га қарши ўйнайди.