Россия ФИФА рейтингида йилни 33-ўринда якунлади

Жаҳон футболини бошқарувчи ташкилот — ФИФА ўз сафига кирувчи миллий терма жамоалар рейтингининг янгиланган рўйхатини эълон қилди. Тегишли маълумот ФИФАнинг расмий сайтида пайдо бўлди.

Испания терма жамоаси 1877 очко билан рейтингда биринчи ўринни эгаллади. Кейинги ўринларда Аргентина (1873), Франция (1870), Англия (1834), Бразилия (1760), Португалия (1760), Нидерландия (1756), Бельгия (1730), Германия (1724) ва Хорватия (1716) жойлашди.

Валерий Карпин қўл остидаги Россия терма жамоаси халқаро турнирларда қатнашиш имконидан маҳрум бўлгани ва рейтинг очколарини фақат ўртоқлик учрашувларида тўплагани сабаб 33-поғонада турибди. Рейтингнинг навбатдаги янгиланиши 2026 йил 19 январда кутилмоқда.