Нерес «Наполи» сафида кетма-кет икки ўйинда гол урди

Бразилиялик ярим ҳимоячи Давид Нерес Италия Суперкубогида клубига ғалаба келтирди — у «Болонья» дарвозасини икки бор ишғол қилди. Аввалроқ, ярим финалда ҳам Нерес «Милан»га гол урганди, ўшанда неаполликлар 2:0 ҳисобида ғалаба қозониб, Массимилиано Аллегри жамоасини турнирдан чиқариб юборган эди.

Маълум бўлишича, Нерес «Наполи» сафида илк бор кетма-кет икки ўйинда гол урди — аввал бунга эриша олмаган. Эслатиб ўтамиз, «Наполи» 1991 ва 2014 йиллардаги ғалабалардан сўнг Италия Суперкубогини учинчи марта қўлга киритди.

Нерес 2024 йилда Неаполга кўчиб ўтган. А Серия турнир жадвалида клуб ҳозир учинчи ўринда бормоқда.