Романо Родригоқа қизиқаётган икки гранд клубни айтди
Трансферлар бозоридаги инсайдер Фабритсио Романо Мадриднинг “Реал” клуби ҳужумчиси Родриго атрофидаги қизиқишлар ҳақида маълумот берди. Бу ҳақда euro-football.ru хабар беради.
Бразилиялик футболчининг “қироллик” клубидан кетиши ҳақидаги гап-сўзлар узоқ вақтдан бери янграйди. Романо январда Родриго сотилиши мумкинлиги ҳақидаги миш-мишларни рад этди, бироқ унга нисбатан реал қизиқиш бўлганини тасдиқлади.
Романо сўзларига кўра, ўтган ёзда ПСЖ Родриго вазиятини диққат билан кузатган — у клуб учун Баркола ўрнини босиши мумкин бўлган номзод сифатида кўрилган. Шунингдек, “Манчестер Сити” ҳам жиддий қизиқиш билдирган: Савио билан хайрлашиш эҳтимоли пайдо бўлса, Родриго варианти кўриб чиқилган.
24 ёшли “Реал” футболчисининг Transfermarkt’даги баҳоси 60 миллион еврога тенг.
