Максим Шано Забарнийнинг ПСЖдаги мослашуви чўзилиб кетганини айтди

Люксембург терма жамоаси ҳамда «Лос-Анжелес» клуби ҳимоячиси Максим Шано украиналик Илья Забарний «ПСЖ»даги ўйинига мослашиш мавзусида фикр билдирди. Футболчи ўтган ёзда инглизларнинг «Борнмут» клубидан 63 миллион евро эвазига Париж жамоасига келиб қўшилганди. Бу ҳақда euro-football.ru хабар беради.

Шанонинг таъкидлашича, «Фонтене»га қарши сўнгги кубок учрашувида рақиб футболчилари Забарний ортига қайта-қайта югуриб ўтган. «У бешинчи дивизион футболчиларига қарши ўйнади. У албатта кучайиши мумкин, у ҳали ёш, аммо мослашув ҳақидаги гаплар аллақачон ярим йилдан бери давом этяпти», — дея унинг сўзларини RMC Sport келтиради.

Жорий мавсумда Забарний 20 та учрашувда майдонга тушди: 1 та гол урди, 3 та сариқ ва 1 та қизил карточка олди. Чемпионатдаги «Париж»га қарши сўнгги ўйиндан кейин футболчи матбуотдан бир қатор салбий баҳоларни ҳам олди.