«Фиорентина» «Аталанта» ярим ҳимоячиси Брешианинига қизиқиш билдирди

Италия А Сериясида турнир жадвалининг қуйи қисмида бўлса-да, секин-аста ўзига келаётган «Фиорентина» таркибни кучайтириш устида ишламоқда. Журналист Николо Чеккаринининг хабарига кўра, флоренсияликлар «Аталанта» ярим ҳимоячиси Марко Брешианинини ўз сафига қўшиб олиш ниятида. Бу ҳақда euro-football.ru хабар беради.

Манбага кўра, футболчининг ўзи трансферга розилик берган. Энди «Фиорентина» «Аталанта» билан қолган барча шартларни келишиб олишни якунлаши керак.

Эслатиб ўтамиз, ўтган йил ёзида Брешианини бошқа бир А Серия клуби — «Наполи» билан ҳам музокара олиб борган. Бироқ неаполликлар якунда шотландиялик Скотт Мактоминайни танлаган.