Ману Конэ жароҳат сабаб уч ҳафтагача сафдан чиқиши мумкин

Аввал хабар берганимиздек, “Рома” “Милан”га қарши учрашувда йўқотишларга учради. Иккинчи тайм бошида француз ярим ҳимоячиси Ману Конэ жароҳат олиб, майдонни тарк этди. Бу ҳақда euro-football.ru хабар беради.

DAZN маълумотига кўра, футболчида пай чўзилиши аниқланган. Бу жароҳат Конэни камида уч ҳафтага сафдан чиқариб қўйиши эҳтимоли бор.

Агар шу прогноз тасдиқланса, Конэ февраль ўрталарида “Наполи”га қарши баҳсни ўтказиб юборади. Унгача римликларни “Удинезе” ва “Кальяри” билан ўйинлар ҳам кутиб турибди.

Ҳозир “Рома” А Серия турнир жадвалида тўртинчи ўринда бормоқда. Клуб Италия чемпионлигини охирги бор 2001 йилда қўлга киритган.