Роналду «Ал-Наср» ғалабасига икки эмодзи билан жавоб берди

Криштиану Роналду мураббий билан келишувга кўра ОФК Чемпионлар лигаси 2 гуруҳ босқичи учрашувларида майдонга тушмаяпти. Шунга қарамай, жамоа етакчисиз ҳам ишончли натижа кўрсатмоқда. Бу ҳақда euro-football.ru хабар беради.

Чоршанба куни «Ал-Наср» гуруҳдаги бешинчи ўйинида ҳам ғалаба қозонди: Саудия клуби Тожикистонда «Истиқлол»ни 4:0 ҳисобида йирик мағлуб этди ва гуруҳни 100 фоизлик натижа билан якунлашга яқинлашди.

Ўйиндан сўнг Роналду ижтимоий тармоқларда «Ал-Наср» биринчи ўриндан кейинги босқичга чиққанлиги ҳақидаги хабарни репост қилди. Криштиану постга олов ва қарсак эмодзиларини қўшди.

40 ёшли ҳужумчининг «Ал-Наср» билан амалдаги шартномаси 2027 йил ўрталаригача мўлжалланган.

Шунингдек, интернетда Роналду ва Тожикистон билан боғлиқ ёлғон хабар ҳам муҳокама қилинмоқда.