Криштиану Роналду «Ал-Наср» сафга қайтишга яқин турибди

Криштиану Роналду Саудия Про-лигасидаги сўнгги икки учрашувни ўтказиб юборганди. Ҳужумчи клуб бошқарувидаги айрим қарорлардан норози бўлиб, жамоа ўйинларида қатнашмаслик йўлини танлагани айтилганди. Бу ҳақда euro-football.ru хабар беради.

The Touchline нашри A Bola манбасига таяниб хабар беришича, беш карра «Олтин тўп» соҳиби «Ал-Наср» таркибига қайтмоқда. 41 ёшли форвард шанба кунги Про-лига баҳсида «Ал-Фатеҳ»га қарши майдонга тушиши кутилмоқда.

Ҳозирда «Ал-Наср» Саудия Арабистони чемпионати жадвалида иккинчи ўринда бормоқда. Жамоа пешқадам «Ал-Ҳилол»дан бор-йўғи бир очко ортда қолган.

Роналду фаолияти давомида жами 961 та гол урган.