Джикия «Антальяспор»даги ҳолати ҳақида қисқа жавоб берди

«Антальяспор» ҳимоячиси Георгий Джикия Туркиядаги фаолияти бўйича берилган саволларга муносабат билдирди. 32 ёшли футболчининг сўзлари акс этган видеони «FNL s Ilyovym» телеграм-канали эълон қилди. Бу ҳақда euro-football.ru хабар беради.

Журналистлар Джикиядан клубдаги ишлари қандай кетаётгани ҳақида сўраганида, у «ҳаммаси яхши» эканини айтди. Туркиядаги шароитлар ҳам футболчини қониқтираётганини ҳимоячи табассум билан тасдиқлади.

Маълумот учун, Джикия ўтган ёзда «Антальяспор» сафига келиб қўшилганди. Шундан буён у 13 та учрашувда майдонга тушиб, 2 та гол урди.

Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.