Роналду ўйнамаган ўйинда «Ал-Наср» ғалабасига муносабат билдирди

Криштиану Роналду бош мураббий билан келишувга кўра ОФК Чемпионлар лигаси 2 гуруҳ босқичи учрашувларида майдонга тушмаяпти. Шунга қарамай, саудияликлар етакчисиз ҳам ишончли натижа кўрсатмоқда. Бу ҳақда euro-football.ru хабар беради.

Чоршанба куни «Ал-Наср» гуруҳдаги бешинчи ўйинида ҳам ғалаба қозонди: Тожикистонда «Истиқлол» 4:0 ҳисобида йирик мағлуб этилди. Натижада жамоа гуруҳни биринчи ўринда якунлаб, кейинги босқич йўлланмасини расмийлаштирди.

Учрашувдан сўнг Роналду ижтимоий тармоқларда «Ал-Наср»нинг плей-оффга биринчи ўриндан чиққанлиги ҳақидаги хабарни репост қилди ва унга икки эмодзи — олов ҳамда қарсакни қўшди.

40 ёшли Роналду «Ал-Наср» билан амалдаги шартномага эга, келишув 2027 йил ўрталаригача мўлжалланган.

Шунингдек, интернетда Роналду ва Тожикистон ҳақидаги сохта хабар ҳам муҳокама қилинмоқда.