Жикия Туркиядаги ҳолати ҳақида қисқа изоҳ берди

"Анталяспор" ҳимоячиси Георгий Жикия Туркиядаги жамоасида қандай аҳволда экани бўйича саволларга жавоб қайтарди. 32 ёшли футболчининг қисқа интервьюси "FNL s Ilovym" телеграм-каналида эълон қилинган. Бу ҳақда euro-football.ru хабар беради.

Жикиядан клубдаги ишлари қандай кетаётгани сўралганда, у "Ҳаммаси яхши, раҳмат" дея жавоб берди. Туркиядаги шароитлар ҳам кўнгилдагидекми, деган саволга эса табассум билан "Ҳаммаси жойида" деди.

Эслатиб ўтамиз, Жикия "Анталяспор" сафига ўтган ёзда келиб қўшилганди. Шу вақт ичида у 13 та учрашувда майдонга тушиб, 2 та гол уришга ҳам улгурди.

Ҳозирда "Анталяспор" Туркия Суперлигаси жадвалида 14-ўринда бормоқда. Жамоанинг навбатдаги ўйини 13-февраль куни ўз майдонида "Самсунспор"га қарши бўлиб ўтади.