Георгий Джикия «Антальяспор»даги ҳолати ҳақида гапирди

Туркиянинг «Антальяспор» клуби ҳимоячиси Георгий Джикия жамоасидаги вазияти бўйича саволларга жавоб берди. 32 ёшли футболчининг қисқа интервьюсидан лавҳани «FNL s Ilyovym» телеграм-канали эълон қилди. Бу ҳақда euro-football.ru хабар беради.

— «Антальяспор»даги ишларингиз қалай? — деган саволга Джикия: «Ҳаммаси яхши, раҳмат», — дея жавоб қайтарди.

— Туркияда ҳаммаси кўнгилдагидекми? — дея давом этган саволга эса ҳимоячи жилмайиб: «Туркияда ҳаммаси жойида», — деди.

Джикия «Антальяспор» сафига ўтган ёзда келиб қўшилган. Шу вақт ичида у 13 та учрашувда майдонга тушиб, 2 та гол муаллифига айланган.

Ҳозир «Антальяспор» Туркия Суперлигаси жадвалида 14-ўринда бормоқда. Жамоа навбатдаги ўйинини 13-февраль куни ўз майдонида «Самсунспор»га қарши ўтказади.