Джикия «Антальяспор» билан Туркиядаги ҳолатини изоҳлади

«Антальяспор» ҳимоячиси Георгий Джикия Туркия клубидаги ҳозирги аҳволи ҳақида фикр билдирди. 32 ёшли футболчининг сўзлари акс этган видео «FNL s Ilyovym» телеграм-каналида эълон қилинди. Бу ҳақда euro-football.ru хабар беради.

— «Антальяспор»да ишлар қандай?

— Ҳаммаси яхши, раҳмат.

— Туркияда ҳаммаси кўнгилдагидекми?

— Ҳа, Туркияда ҳаммаси жойида, — деди Джикия табассум билан.

Джикия «Антальяспор» сафига ўтган ёзда келиб қўшилганди. Шундан буён у 13 та учрашувда майдонга тушиб, 2 та гол урди.

Ҳозир «Антальяспор» Туркия Суперлигаси жадвалида 14-ўринда бормоқда. Жамоа навбатдаги ўйинини 13-февраль куни ўз майдонида «Самсунспор»га қарши ўтказади.