Жикия «Антальяспор»даги ҳолати бўйича саволларга жавоб берди

«Антальяспор» ҳимоячиси Георгий Жикия Туркиядаги клубдаги вазияти ҳақида фикр билдирди. 32 ёшли футболчининг қисқа изоҳи «FNL s Ilyovym» телеграм-канали эълон қилган видеода пайдо бўлди. Бу ҳақда euro-football.ru хабар беради.

Жикиядан «Антальяспор»даги ишлари қандай кетаётгани сўралганда, у ҳаммаси жойида эканини айтди. Шунингдек, футболчи Туркиядаги шароитлар тўлиқ маъқул келаётганини кулимсираб тасдиқлади.

Жикия ўтган ёзда «Антальяспор» сафига қўшилган. Шу вақтга қадар у 13 учрашувда майдонга тушиб, икки бор гол урди.

Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.