«Болонья» Сантьяго Кастро билан шартномани узайтирди

Италиянинг «Болонья» клуби аргентиналик ҳужумчи Сантьяго Кастро билан ҳамкорликни давом эттириш бўйича келишувга эришди. Бу ҳақда жамоа матбуот хизмати маълум қилди. Бу ҳақда euro-football.ru хабар беради.

21 ёшли форварднинг янги шартномаси 2030 йилнинг ўрталаригача мўлжалланган. Кастро «Болонья» сафида 2024 йил январидан бери тўп суриб келмоқда.

Жорий мавсумнинг биринчи қисмида у 31 учрашувда майдонга тушиб, 8 та гол урди ва 2 та голли узатмани амалга оширди.

А Серияда 24 турдан сўнг «Болонья» 30 очко тўплаб, турнир жадвалида 10-ўринда бормоқда. Кейинги ўйинини жамоа 15 февраль куни сафарда «Торино»га қарши ўтказади.