Кассано «Милан» ўйинини 80-йиллар услубига қиёслади
Италия А сериясида тўп сурган собиқ ҳужумчи Антонио Кассано «Милан»ни кескин танқидлари билан яна кун тартибига чиқди. У йиллар давомида «россонери»ни аяб ўтирмайди ва ҳозирги ҳолатда ҳам Массимилиано Аллегри бошчилигида қурилаётган ўйинда ижобий ўзгариш кўрмаётганини таъкидлади. Бу ҳақда euro-football.ru хабар беради.
Кассано фикрича, «Милан» бу йил атиги уч учрашувда муносиб кўриниш берган: «Болонья»га қарши икки ўйин ва «Удинезе» билан бир баҳс. Унинг айтишича, жамоада футболни қандай ўйнаш бўйича аниқ ғоя йўқ, қолган клубларда эса бундай тизим бор. «Милан» эса гўё майдонда 80-йиллар футболини намойиш қилаётгандек, дея у pianetamilan.it нашрига келтирилган.
Айни пайтда «Милан» А серияси турнир жадвалида иккинчи ўринда бормоқда. Чоршанба куни жамоа «Комо»га қарши навбатдаги учрашувини ўтказади.
