Престианнининг «Реал»га қарши ўйнаган футболкаси аукционга қўйилди
Португалиянинг «Бенфика» клуби қанот ҳужумчиси Жанлука Престианнининг Мадриднинг «Реал»ига қарши учрашувда кийган футболкаси аукционга чиқарилди. Европа Чемпионлар лигаси плей-оффидаги илк баҳс 17 феврал куни бўлиб ўтган ва унда «Реал» 1:0 ҳисобида ғалаба қозонган. Ўша ўйиндан кейин Престианни ўзига нисбатан ирқчилик бўлганини ҳам айтганди. Бу ҳақда euro-football.ru хабар беради.
Футболка «Бенфика»нинг расмий ҳамкори бўлган Match Worn Shirt платформаси орқали сотувга қўйилган. Ҳозирча харид учун 46 та таклиф келиб тушган, энг юқори нарх 1 минг еврони ташкил этмоқда.
Аргентинанинг «Велес Сарсфилд» академияси тарбияланувчиси Престианни 2024 йилдан буён «Бенфика» сафида тўп сурмоқда. Жорий мавсумда у 30 учрашувда майдонга тушиб, 2 та гол урди ва 2 та ассист қайд этди.
