Леннарт Карл Бавариядаги шиддатли юксалишидан ҳайратланмади
Мюнхеннинг «Бавария» клубида тўп сураётган 18 ёшли футболчи Леннарт Карл фаолиятининг бошидаги тезкор кўтарилиш уни кутилмаганда лол қолдирмаганини айтди. Бу ҳақда euro-football.ru хабар беради.
Ҳужумкор ярим ҳимоячи жорий мавсумда гранд таркибида мунтазам равишда майдонга тушиб келмоқда. 22 февраль куни у 18 ёшга тўлди.
«Баъзан бўлаётган воқеалар мени ҳам ҳайрон қолдирарди, лекин ич-ичимдан бунга қодирлигимни билардим. Жуда кўп меҳнат қилдим. Натижалардан хурсандман, аммо, албатта, ўсиш учун жой доим бор. Келгусида кўпроқ гол уриб, кўпроқ ассист қилишни, қолган жиҳатларда ҳам кучайишни истайман», — дея Карлнинг Kicker нашрига берган интервьюсидан «Gazeta.Ru» иқтибос келтиради.
28 февраль, шанба куни «Бавария» Бундеслигада сафардa асосий таъқибчиси — Дортмунднинг «Боруссия» жамоасига қарши баҳс ўтказади.
