Брентуайт Эвертонга гол уришдаги аниқликни ошириш зарур деди

Эвертон ўз майдонида навбатдаги омадсизликка учради: жамоа Манчестер Юнайтедга минимал ҳисобда имкониятни бой берди. Девид Мойес шогирдлари ўйиннинг катта қисмида устунлик қилган бўлса-да, босимни голга айлантира олмади. Бу ҳақда euro-football.ru хабар беради.

Ҳимоячи Жерред Брентуайт мағлубиятнинг асосий сабабини айнан якунлашдаги сустликда кўрмоқда. Унинг айтишича, иккинчи бўлимда Эвертон кўпроқ назорат қилди, вазиятлар яратди, аммо зарбаларни аниқ якунлай олмади.

BBC Sport келтирган иқтибосда Брентуайт жамоа сифатида реализацияни ошириш устида ишлаш кераклигини таъкидлади.

Кейинги турда Эвертон Ньюкаслга қарши майдонга тушади.