Капелло Леау аслида ҳужумчи эмаслигини таъкидлади

Машҳур собиқ мураббий Фабио Капелло «Милан» юлдузи Рафаэл Леауни марказий ҳужумчи сифатида кўрмаслигини айтди. Бу ҳақда euro-football.ru хабар беради.

Номига қанот ҳужумчиси бўлган португалиялик футболчи Массимилиано Аллегри қўл остида тез-тез ҳужум чизиғига яқинроқ, форвард позициясида майдонга тушмоқда. Жорий А Серияси мавсумида 19 учрашувда у 8 та гол уриб, 2 та ассист муаллифи бўлди.

«Мен учун у ҳужумчи эмас. Урган голлар сонини четга суринг — у олдинда жамоага таянч бўла олмайди. Энди буни ишонч билан айта оламиз», — Капеллонинг сўзларини La Gazzetta dello Sport келтирди.

26 турдан сўнг «Милан» А Серияси жадвалида иккинчи ўринда бормоқда ва пешқадам «Интер»дан 10 очко орқада қолган.