ОФК Осиё Чемпионлар Лигаси ўйинларини БАА ва Қатарда кўчирди
Осиё футбол конфедерацияси (ОФК) минтақавий Осиё Чемпионлар Лигаси доирасидаги бир қатор учрашувлар ўтказилиш жойи ўзгартирилганини маълум қилди. Аввал Абу-Даби, Дубай ва Доҳада бўлиб ўтиши керак бўлган ўйинлар бошқа муддатга қолдирилди. Бу ҳақда euro-football.ru хабар беради.
Қарорга Эрон, АҚШ ва Исроил ўртасидаги ҳарбий кескинлик сабаб бўлди. Хабарда айтилишича, Эрон снарядлари қўшни давлатлар ҳудудига ҳам етиб бораётгани, у ерларда эса АҚШ ҳарбий базалари жойлашгани хавотирни кучайтирди.
ОФК баёнотида ташкилот вазиятни яқиндан кузатишда давом этиши, футболчилар, жамоалар, расмийлар ва мухлислар хавфсизлиги устувор экани таъкидланди.
Учрашувлар 2 ва 3 март кунлари ўтказилиши кўзда тутилганди. Ҳозирча янги саналар ёки ўйинлар бўлиб ўтадиган манзиллар эълон қилинмади.
