Мбаппе: “Реал”да ўйнаш — Аллоҳ томонидан берилган катта совға!
Франциялик ҳужумчи Килиан Мбаппе Мадриднинг “Реал” клубидаги ўйинлари ва бу ерда тўп тепиш тажрибаси ҳақида ўз фикрларини билдириб ўтди.
Унинг таъкидлашича, “Реал” сафида ўйнаш — у учун катта бахт ва илҳом манбаи ҳисобланади.
“Бу жамоада ўйнаш — Аллоҳ томонидан берилган катта совға каби. ‘Реал’ либосида майдонга тушиш орқали сен дунёнинг энг буюк клубини ҳимоя қиласан ва энг йирик учрашувларда иштирок этасан. Бу мени жуда бахтли қилади. Бу ерда ўйин даражам янада яхшиланди”, — деди Мбаппе.
Бу сўзлар “Mundo Deportivo” нашри томонидан келтирилган.
Эслатиб ўтамиз, 15 апрель куни, чоршанбада Мадриднинг гранд жамоаси меҳмонда Мюнхеннинг “Бавария” клубига қарши UEFA Чемпионлар Лигаси чорак финал жавоб учрашувини ўтказади. Илк ўйинда испан клуби “Сантьяго Бернабеу”да 1:2 ҳисобида мағлуб бўлган.
