“Бавария”—”Реал” баҳсини бошқарган ҳакамни экспертлар танқид қилди
Ижтимоий тармоқларда футбол ҳакамлари фаолиятини таҳлил қилиб борувчи Archivo VAR “Бавария” ва “Реал Мадрид” ўртасидаги Чемпионлар лигаси учрашувини бошқарган рефери Славко Винчич ишини қаттиқ танқид қилди.
Платформа ушбу словениялик ҳакамга 10 баллдан атиги 1 балл қўйиб, унинг ҳакамлигини деярли “ҳалокатли” деб баҳолаган. Уларнинг фикрича, бу Винчичнинг сўнгги йиллардаги энг омадсиз ҳакамликларидан бири бўлган:
“Славко Винчичдан навбатдаги ҳалокатли ҳакамлик. Бундан ёмони бўлиши мумкин эмасди.”, – деб ёзади Archivo VAR.
Таҳлилда қайд этилишича, Винчич бир қатор муҳим эпизодларни эътиборсиз қолдирган ва ўйинни тўлиқ назорат қила олмаган. У икки жиддий хатога йўл қўйгани, бу эса бевосита икки голга таъсир кўрсатгани айтилмоқда:
\"Анчадан бери муҳим ўйинларни уддалай олмаётган словениялик ҳакам барча мумкин бўлган эпизодларни ўтказиб юборди. У иккита жиддий хатога йўл қўйиб, иккита голга сабабчи бўлиб қолди.”, – деб ёзади Archivo VAR.
Шунингдек, Эдуардо Камавинга ҳолати ҳам муҳокама қилинди. Манбага кўра, ҳакам уни тўпни бир неча сония ушлаб тургани учун иккинчи сариқ карточка билан майдондан четлатган. Таҳлилчилар эса бу қарорни орттирилган ва Европа Чемпионлар лигаси стандартларига мос келмайдиган деб баҳолашган:
\"Камавингага тўпни бир неча сония ушлаб тургани учун иккинчи сариқ карточка тақдим этди - бу ҳаракат учун Чемпионлар Лигасида ҳеч қачон ўйинчи четлатилмайди.”, – деб ёзади Archivo VAR.
Бундан ташқари, жуда муҳим ва аниқ қоидабузарликлар эътибордан четда қолиб, кичик тўқнашувлар учун эса эрта фоллар белгилангани ҳам танқид қилинди. Archivo VAR бу ҳолатни “ҳалокатли ҳакамлик” деб атади:
\"Анча аниқроқ тўқнашувларни эътиборсиз қолдириб, кичик тўқнашувлар учун қоидабузарликларни қайд этди. Бу ҳалокат!”, – деб ёзади Archivo VAR.
Эслатиб ўтамиз, Чемпионлар лигаси чорак финалида “Бавария” “Реал”ни икки ўйин натижасига кўра 6:4 ҳисобида мағлуб этиб, ярим финалга йўл олган эди.
