Роберт Левандовски Барселонадаги келажаги ва MLS вариантлари ҳақида гапирди
Барселона ҳужумчиси Роберт Левандовски ёзги трансфер ойнасида клубни тарк этиши мумкинлигини истисно қилмади. Полшалик футболчи ўз фаолиятини жисмоний жиҳатдан камроқ талабчан бўлган лигаларда давом эттириш вариантини кўриб чиқмоқда. Бу ҳақда Goal.com хабар беради.
37 ёшли ҳужумчи Элевен Sportс телеканалига берган интервюсида шундай деди: "Мен деярли 38 ёшдаман, аммо ўзимни жисмонан яхши ҳис қиляпман. Кичикроқ лигаларда ўйнаш ва ҳаётдан завқ олиш имкониятини инкор этмайман". Левандовски узоқ вақтдан бери АҚШнинг MLS лигаси, хусусан Чикаго Фире клуби билан боғланиб келинмоқда.
Ҳозирда футболчининг Барселона билан шартномаси якунига етишига 51 кун қолган. Клуб унга маошни камайтириш шарти билан шартномани узайтиришни таклиф қилган бўлса-да, тажрибали ҳужумчи якуний қарорга келмаганини ва бошқа таклифларни ҳам кўриб чиқишини таъкидлади.
Ўзининг бой фаолияти ҳақида гапирар экан, Левандовски ўйнаган барча клубларида чемпионликка эришганидан фахрланишини билдирди. У жамоадоши Вожсиеч Сзкзеснйнинг фаолиятини якунлаш ҳақидаги маслаҳатига ҳазил билан жавоб қайтариб, ҳали майдонда ўзини кўрсатишга куч-қуввати етарли эканини қўшимча қилди.
