Ханси Флик Барселона мухлисларига Чемпионлар лигаси ғолиблиги учун вада берди
Ханси Флик Барселона жамоасини кетма-кет иккинчи марта Испания чемпиони қилди. Реал Мадрид устидан қозонилган 2:0 ҳисобидаги ғалаба каталонияликларга муддатидан аввал чемпионликни тақдим этди. Учрашувдан бир неча соат олдин отасидан айрилган немис мутахассиси учун бу ғалаба ҳам қувончли, ҳам оғир кечди. Бу ҳақда Goal.com хабар беради.
Ўйиндан сўнг журналистларга интервю берган Флик ўз шогирдларининг матонатини алоҳида таъкидлади. У жамоа президенти, Деко ва барча қўллаб-қувватловчиларга миннатдорчилик билдириб, футболчиларнинг 90 дақиқа давомида кўрсатган курашувчанлигидан фахрланишини айтди.
Ички чемпионатдаги муваффақиятдан сўнг, Флик ўз олдига янги мақсад қўйди. У келаси мавсумда Барселона билан Чемпионлар лигаси бош совринини қўлга киритишни ният қилганини очиқлади. Мураббий жамоанинг ҳимоядаги ишончли ўйини ва ёш иқтидорлар, хусусан, Пау Кубарси ҳамда Герард Мартиннинг ўсишидан мамнунлигини яширмади.
Мавсум давомида жароҳатлар билан боғлиқ қийинчиликларга қарамай, Барселона барқарор ўйин намойиш этди. Флик жамоа ичидаги муҳит аъло даражада эканлигини ва Барселонада ўзини бахтли ҳис қилаётганини қўшимча қилди.
