Лионел Месси Аргентина таркибида: Пауло Дйбала эса рўйхатдан тушиб қолди
Аргентина терма жамоаси бош мураббийи Лионел Скалони 2026-йилги жаҳон чемпионати учун 55 нафар футболчидан иборат дастлабки кенгайтирилган таркибни эълон қилди. Рўйхатдан афсонавий сардор Лионел Месси ўрин олган бўлиб, у ўз фаолиятидаги сўнгги мундиалга тайёргарлик кўрмоқда. Бу ҳақда Goal.com хабар беради.
Таркибда Қатар-2022 ғолиблари билан бир қаторда Англия Премер-лигасида тўп сураётган юлдузлар, жумладан, Манчестер Юнайтед ҳимоячиси Лисандро Мартинез ва Челси ярим ҳимоячиси Энзо Фернандез ҳам бор. Шунингдек, Алежандро Гарначо каби ёш иқтидор эгалари ҳам мураббий ишончини қозонишган.
Бироқ, эълон қилинган рўйхат кутилмаган қарорларга ҳам бой бўлди. 40 та ўйинда майдонга тушган Рома юлдузи Пауло Дйбала ҳамда Атлетико Мадрид собиқ ҳужумчиси Ангель Корреа таркибдан четда қолди. Бу ҳолат Скалонининг тактик ўзгаришларга қўл урганидан далолат беради.
Мураббий штаби Дйбала ўрнига Парма вакили Матео Пеллегрино ва Рома футболчиси Матиас Соулени танлаган. Ҳозирда эълон қилинган 55 нафар футболчи орасидан якуний 26 кишилик рўйхат 30-май санасига қадар шакллантирилиши керак.
