Неймар жароҳати сабаб Бразилия терма жамоасининг ўйинларини ўтказиб юбориши мумкин
Шимолий Америкада бўлиб ўтадиган Жаҳон чемпионати бошланишига саноқли ҳафталар қолганида Бразилия терма жамоаси Неймар билан боғлиқ жиддий муаммога дуч келди. Сантос юлдузи болдир қисмидаги жароҳат туфайли жамоанинг сўнгги тайёргарлик баҳсларини ўтказиб юбориши хавфи ортиб бормоқда. Бу ҳақда Goal.com хабар беради.
Бразилия терма жамоаси тиббий штаби 27-май куни Гранжа Комарй қароргоҳида йиғин бошланган илк кунда ҳужумчининг ҳолатини синчиклаб текширувдан ўтказади. Бош мураббий Карло Анселотти гуруҳда барча учун тенглик тамойилини жорий этган, бу эса Неймар ҳам бошқа ҳар қандай жароҳатланган футболчи каби қатъий тиббий протоколлардан ўтишини англатади.
Ҳозирда Сантос клуби ва терма жамоа ўртасида жароҳатнинг оғирлик даражаси бўйича қарама-қарши фикрлар юзага келган. Клуб шифокорлари буни "енгил шиш" деб атаётган бўлса-да, Бразилия футбол конфедерацияси (КБФ) жароҳат кутилганидан жиддийроқ экани ҳақида маълумот олган. ESPN манбаларига кўра, вазият Сантос таъкидлаганидек оддий эмас ва узоқроқ тикланиш жараёнини талаб қилади.
Мавжуд ҳолатга кўра, Неймарнинг Панама (31-май) ва Мисрга (5-жиюн) қарши ўртоқлик учрашувларида майдонга тушиши даргумон. Карло Анселотти ва унинг техник штаби учун асосий вазифа — футболчини 13-июн куни Марокашга қарши бўлиб ўтадиган Жаҳон чемпионати стартига қадар тўлиқ тайёр ҳолатга келтиришдир.
