Ашхобод-2017. Футзалчиларимиз финалда!

Туркманистон пойтахти Ашхободда Ёпиқ иншоотлардаги Осиё ўйинлари давом этмоқда.

Бугун футзал бўйича Ўзбекистон терма жамоаси мусобақанинг ярим финалида Япония терма жамоасига қарши баҳс олиб борди.

Тошкент вақти билан 19:00да старт олган қарама-қаршиликнинг асосий ва қўшимча бўлимларида ғолиб номи аниқланмади - 3:3

Пенальтилар сериясида эса Баҳодир Аҳмедов бошлиқ футзалчиларимиз рақибларига қараганда аниқроқ ҳаракат қилиб, 3:2 ҳисобида ғалабага эришди.

Энди, финалда вакилларимизга Эрон терма жамоаси рақиб бўлади.

Ашхобод-2017. Футзал. Ярим финал

Ўзбекистон - Япония 3:3 (пенальтилар серияси 3:2)

Голлар: К.Свиридов 20, Д.Абдураҳмонов 23, Д.Чориев 35 - Кашо Тамуро 8, К.Шимизу 27, Ш.Хара 34

Манба: sports.uz