Азизбек Абдуғофуров африкалик боксчини мағлубиятга учратди

Малайзиянинг Субанг-Жая шаҳрида ташкил этилган профессионал бокс кечасида ўзбекистонлик енгилмас чарм қўлқоп устаси Азизбек Абдуғофуров фаолиятидаги 10-жангини ўтказди.

Мазкур жангда Жанубий Африка Республикаси вакили Алфонсо Тиссен (10-1-2) билан куч синашди.

Саккиз раунд давом этган қарама-қаршиликда ҳамюртимиз фаолиятидаги 10-ғалабасини қўлга киритди.

Эслатиб ўтамиз, Азизбек ҳисобида эса 9 та жанг бўлиб, боксчимиз уларнинг барчасида рақибларини мағлуб қилган. Шулардан 4 таси нокаутдир.