Шавкат Мирзиёев Эверестни забт этган алпинистни «Ўзбекистон ифтихори» фахрий унвони ва Trailblazer автомобили билан мукофотлади

Эверест чўққисига кўтарилган ўзбекистонлик алпинист Сергей Денисенко 8 июнь куни Тошкент халқаро аэропортида тантанали равишда кутиб олинди. Президент матбуот хизматининг маълум қилишича, Шавкат Мирзиёевнинг тегишли фармони билан Сергей Денисенко «Ўзбекистон ифтихори» фахрий унвони билан тақдирланган.

^{Фото: Президент матбуот хизмати}
Эълон қилинган кадрлардан кўриш мумкинки спортчига мукофотни Ўзбекистон Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси Абдужаббор Абдувоҳидов топширган.

^{Фото: Президент матбуот хизмати}
Шунингдек, ўзбекистонлик алпинистга Trailblazer автомобили ҳам совға қилинган.

^{Фото: Президент матбуот хизмати}

pic.twitter.com/zD38YHYlLE

— Shukhrat (@bankir2102) June 8, 2021

Эслатиб ўтамиз, ўзбекистонлик алпинист Сергей Денисенко 1 июнь куни Эверест (Жомолунгма) чўққисига кўтарилганди.  Қайд этилишича, бу Непал томонидан ўзбекистонлик алпинистнинг биринчи марта Эверест чўққисига чиқиши. Эверестга кўтарилишнинг ушбу мавсуми аномал ва нобарқарор об-ҳаво шароитига тўғри келган. Экспедиция тахминан 2 ой давом этган. Чўққига чиқиш Ўзбекистон мустақиллигининг 30 йиллигига бағишланган.