Ғуломжон Абдуллаев чорак финалда аламли мағлубиятга учради

Бироз аввал олимпидада мусобақаларида қатнашаётган эркин курашчимиз Ғуломжон Абдуллаев чорак финалда аламли тарзда мағлубиятга учради.

Ҳамюртимиз беллашув якунланишига 20 сония қолганда икки карра жаҳон чемпиони россиялик Заур Угуевни 6-4 ҳисобида мағлуб этаётган эди. Аммо сўнгги сонияда Заур томонидан бажарилган усул ҳисобнинг тенглашишига ва россиялик спортчининг ярим финалга йўл олишига замин яратди.

Энди Заур Угуев финалга йўл олса, Ғуломжон Абдуллаевда бронза медали учун курашиш имконияти пайдо бўлади.