Эктор Купер катта "қовун туширди"

Аргентиналик машҳур мутахассис Эктор Купер бошқараётган Конго Демократик Республикаси терма жамоаси кеча Бенинни мағлуб этиб, ЖЧ-2022 саралашининг плей-офф босқичига йўл олди.

Бироқ Купер ўйин давомида 4 та урунишда 4 та футболчини алмаштирди. Регламентга кўра, ҳар бир жамоа 5 тагача футболчи алмаштириш имкониятига эга, аммо ушбу ўзгаришлар 3 та урунишда амалга оширилиши керак.

Энди Конго ДР терма жамоасини техник мағлубиятг кутмоқда. Шундан сўнг гуруҳдаги биринчи ўрин ва плей-офф йўлланмаси Бенин терма жамоасига насиб этиши мумкин.