Xiaomi 15 Ultra икки рангли дизайнда кўриниш берди

Интернетда Xiaomi 15 Ultra флагманининг янги фотоси пайдо бўлди. Бу сафар смартфон икки рангли дизайн билан намоён бўлди.

Дизайн Leica M1 каби классик фотоаппаратлардан илҳомланган бўлиши мумкин. Смартфон бурчагида “Ultra” ёзуви, катта Leica логотипи ва массив перископ камераси кўриниб турибди. Миш-мишларга кўра, асосий перископ камераси 200 MP бўлиши мумкин, қолган учта камера эса 50 MP сенсорлар билан жиҳозланади.

Xiaomi 15 Ultra расмий тақдимоти феврал охирида бўлиб ўтиши тасдиқланди.