Samsung Galaxy А15 учун One UI 8 янгиланиши чиқди

Samsung компанияси Galaxy A15 смартфони учун One UI 8 график қобиғини чиқарди, деб Kursiv media хабар берди. Илк бўлиб янгиланиш Жанубий Корея фойдаланувчиларига етказилган, энди эса у Ҳиндистон ва бошқа мамлакатларда ҳам мавжуд.

Galaxy A15 эгалари «Созламалар» бўлимидаги «Дастурий таъминотни янгилаш» менюси орқали янгиланишни «Юклаб олиш ва ўрнатиш» тугмаси ёрдамида юклаб олишлари мумкин. Янгиланиш ҳажми тахминан 2 ГБ бўлиб, у босқичма-босқич тарқатилмоқда.

Galaxy A15 2024 йил бошида Android 14 асосидаги One UI 6.1 билан тақдим этилган эди. Кейинроқ One UI 7 янгиланишини олган, эндиликда эса One UI 8 версиясигача янгиланди. Қурилма яна икки марта йирик Android ва One UI янгиланишларини қабул қилиши режалаштирилган.