Starlink АҚШда интернет тезлигини сезиларли даражада оширди

SpaceX компаниясининг Starlink сунъий йўлдош интернети ўзининг имкониятларини кенгайтириб, оддий симли интернет провайдерлари билан рақобатлашадиган даражага етди. Спеедтест маълумотларига кўра, 2025-йилнинг тўртинчи чорагида АҚШдаги фойдаланувчилар учун медиан юклаб олиш тезлиги 132 Мбит/с га етди. Таққослаш учун, бир йил аввал бу кўрсаткич атиги 64 Мбит/с ни ташкил етган еди. Бу ҳақда Ихбт.ком хабар беради.

Ҳозирда Starlink фойдаланувчиларининг қарийб 45 фоизи АҚШ регулятори томонидан «нормал интернет» деб ҳисобланадиган 100 Мбит/с юклаб олиш ва 20 Мбит/с узатиш тезлигига ега. 2025-йил бошида бундай натижага еришган абонентлар улуши атиги 17 фоизни ташкил етган. Бу ўсиш SpaceX компаниясининг орбитадаги сунъий йўлдошлар гуруҳини 10 мингтагача етказгани ва Фалкон 9 ракеталари ёрдамида амалга оширилган 120 дан ортиқ муваффақиятли парвозлар билан боғлиқ.

Еслатиб ўтамиз, 2023-йилда АҚШ Федерал алоқа комиссияси (ФКК) Starlinkга 886 миллион долларлик субсидияни рад етган еди. Ўша вақтда регулятор хизмат тезлиги талаб даражасида емаслигини важ қилиб кўрсатган. Бироқ, ҳозирги техник кўрсаткичлар ушбу қарорнинг шошилинч бўлганини кўрсатмоқда.

SpaceX келгусида Старшип ракеталари ёрдамида янги авлод сунъий йўлдошларини учириш орқали тезликни янада оширишни режалаштирмоқда. Компаниянинг узоқ муддатли мақсадлари орасида гигабитли тезликка еришиш ва тўғридан-тўғри смартфонлар билан боғланиш имкониятини тақдим етиш турибди.